Kviknes Hotel og Åmot Operagard har gleda av å tilby fylgjande spesialtilbod i perioden 21.08-24.08.2014:

Opphald i to dagar, der ein enten 22.08 eller 23.08 reiser til Åmot Operagard i Bygstad for å delta på operagalla med påfylgjande
operamiddag.

Kr 3665,- pr. person i standard dobbeltrom
Kr 3915,- i standard enkeltrom pr. døgn

 (Inkluderer Frokost, overnatting, aperitiff, operabillett og operamiddag)

Me gjer merksam på at transporten mellom Bygstad og Balestrand ikkje er inkludert i pakken. Hotellet er behjelpeleg med å  tinge transport om det skulle vera ynskjeleg. Ta då kontakt på booking@kviknes.no.

Den kvelden de er på Kviknes Hotel vil de få servert apertif før ein 4-rettars middag i spisesalen vår. Den andre kvelden går turen til Bygstad og Operagalla!

Nyt god mat og drikke saman med "live" opera framført av fantastiske songarar frå Russlands verdskjente operahus, Mariinskij-teatret!

Me lovar ein heilaften med fantastiske ariar og utsøkt mat når den 11. operahelga på Åmot Operagard går av stabelen i samarbeid med Bergen Nasjonale Opera og Edvard Grieg Kor. Dei har i år fått det kunstneriske ansvaret for å setja saman ein operagalla som skal løfte taket på operalåven og vårt publikum til nye høgder.

Frå det berømte Mariinskij-teatret i St.Petersburg kjem sopranen Yekaterina Goncharova og barytonen Dmitry Lavrov, og saman med Edvard Grieg Kor byr dei på smektande operaperler. Dmitry Lavrov sang rollen som Prins Afron i operaen Gullhanen i Bergen våren 2014, ei forestilling som fekk terningkast 6 i Bergens Tidende!

Me gledar oss til eit nytt og spennande samarbeid med to viktige drivkrefter i Bergens musikkliv.

Åmots 3-rettars middag vert servert etter forestillinga klokka 21:15

Dette tilbodet er kun tilgjengeleg ved reservasjon via vårt Online System.