Ta fjordvegen frå Bergen til Balestrand
Vi har opna dørene for sesongen, og med Norled si sommarrute er det enda enklare å ta fjordvegen til Balestrand.
Båtturen frå Strandkaiterminalen i Bergen til Balestrand i Sogn tek i underkant av fire timar og byr på ei vakker reise langs vår mektige fjord.
Ombord på båten kan du jobbe, slappe av eller nyte godt selskap.
Utvida sommarrute Bergen - Sogn
Frå 1. april 2026 og fram til 31. oktober 2026 køyrer Norled utvida sommarruter med hurtigbåt frå Bergen til Sogn. Lat reisa langs Sognefjorden bli ein del av opplevinga, og reis gjennom mektige fjell og lune viker, heilt fram til Balestrand og dørstokken til Kviknes Hotel.
Bedriftssamling eller kurs? Opplev ein ny reiseveg - og ver framme til lunsj
Reiser de frå Bergen med morgonbåten kl 8, er de framme til lunsj. Då kan ein få ei god arbeidsøkt etter lunsj, før ein nyt moglegheitene her på kvelden, med mat, drikke og historiar. Neste dag kan de jobba fram til middagstid, før båten går mot Bergen.
Vi har møterom og konferansesalar som kan romme opp til 450 personar.
Kurs- og konferanse / Bedriftssamling og eventg
Statue av Kong Olav V
Når du reiser forbi Skjerjehamn heilt ute ved munningen av Sognefjorden, får du auge på den velkjende statuen av Kong Olav V, avduka i 2007. På turen over fjorden har du utsyn rett mot Lihesten, eit markant og lett gjenkjenneleg fjell. Vidare innover passerer du Brekke på sørsida, ein liten stad som er kjend for å få meir nedbør enn Bergen sjølv!
Når du kjem nærare Balestrand, vil blikket falle på Vindreken, fjellet som har inspirert flest kunstnarar her i landet. I forgrunnen, nede ved fjorden, finn du endeleg det historiske Kviknes Hotel.
Her kan du høyre historier som vil få deg til å måpe. Berre spør Sigurd Kvikne!
