Opplev den perfekte kombinasjonen av fjord, fjell og hotellkomfort
Utforsk den vakre naturen rundt Balestrand med vår vandrepakke. Her får du alt du treng for ei innhaldsrik helg med flotte naturopplevingar og god mat.
Balestrand byr på eit variert nettverk av godt merkte turstiar. Frå enkle vandringar til spektakulære toppturar med utsikt over Sognefjorden.
Etter dagens tur ventar rolege omgjevnader på hotellet. Nyt ein avslappande ettermiddag på terrassen eller i ein av våre salongar, før dagen blir avslutta med middag i den storslegne spisesalen.
Pakken inkluderer:
Overnatting
Middag og frukost
Nistepakke med mineralvatn
Turkart
Les meir om vandrepakken og bestill her.
Det er mange flotte turar i umiddelbar nærleik til hotellet, og me har plukka ut to turar du kan oppleve medan du er i Balestrand.
Raudmelen (972 moh)
Raudmelen er ein av dei mest populære fjellturane i Balestrand, og byr på ei av dei flottaste utsiktene over Sognefjorden. Frå toppen, 972 meter over havet, får du eit imponerande panorama over fjorden, Esefjorden og dei majestetiske fjella som omkransar bygda.
Turen er rundt 10 kilometer tur/retur og tek om lag 5–6 timar. Stien er godt merkt og går gjennom variert terreng med både skog, opne fjellparti og fleire flotte utsiktspunkt undervegs. Ta gjerne ein pause ved Orrabenken eller Buråsi, der du kan nyte utsikta før du går vidare mot toppen.
Raudmelen er ein middels krevjande til krevjande tur og passar best for deg som er van med å gå i fjellet. Turen kan gåast frå juni til oktober, avhengig av snøforholda.
Dette er ein tur som gir ei ekte fjelloppleving og eit utsyn du seint vil gløyme.
Her kan du lese meir om turen og sjå video frå løypa.
Kjelde: Visit Sognefjord. Videoen er henta frå YouTube-kanalen Glimpse of Freedom.
Keipen (1417 moh)
Keipen er ein av dei mest spektakulære fjellturane i Balestrand og blir ofte omtalt som «Sognefjorden sitt svar på Preikestolen». Frå toppen, 1 417 meter over havet, ventar ei storslått utsikt rett ned mot Sognefjorden og det mektige fjellandskapet rundt. Dette er ei naturoppleving som verkeleg løner alt strevet oppover.
Ruta er rundt 14 kilometer lang med ein høgdeskilnad på nær 1 500 meter, og turen tek vanlegvis mellom 7 og 9 timar. Undervegs går du gjennom vakker natur og passerer mellom anna Gulleplet, eit flott utsiktspunkt der mange tek ein velfortent pause før den siste stigninga mot toppen.
Keipen er ein krevjande fjelltur som passar best for deg med god fysisk form og erfaring frå fjellet. Til gjengjeld får du ei av dei mest imponerande utsiktene langs heile Sognefjorden, ei oppleving du seint vil gløyme.
Les meir om turen til Keipen og sjå video frå løypa.
